Kielelä rikastetut teatteriesitykset

Interaktiiviset kielelä rikastetut teatteriesitykset oon hyvä metuuti ja hauska tapa oppia minuriteettikieltä. Esitys Trollipeikko palelee oon käyny monissa lapsiryhmissä meänkielialuheella. Esitys oon aina aktyelli ja tullee jatkossaki ilahtuttahmaan monia lapsia.

Väinökissa

Met käytämä Väinökissa -tokkaa meänkielen opettamisessa. Tässä oon joitaki esimerkkiä: 

– Väinö oon myötä kokkointumisissa ja puhhuu aina meänkieltä. 

– Väinö oon ollu myötä petakookitten reisuisa Mallorcalla ja Suomen tunturissa. Ko se oon tullu takasi niin sillä oon paljon selittämistä ja kuvitten näyttämistä lapsile reisusta. 

– Väinö opettaa lapsile luonontietoa. Se oon myötä ko met menemä methään ja sielä se selittää elukoista ja kasvista joita tullee vasthaan. 

– Ennen pantemia met kävimä säänölisesti vanhuuskoissa joka oon meän kans samassa talossa. Joskus Väinö oli myötä sielä lasten ja vanhoitten kans ja porisi meänkieltä.

Trolli-Peikko Palelee

Tässä pienessä meänkielisessä kertomuksessa sie saat kohata Trolli-peikon ja hänen kaveria, jäneksen, koiran, linnun ja karhun. Kertomus oon 25 minuuttia pitkä ja se soppii 3-6-vuotihaile lapsile äitinkielestä riippumatta.